PAUTAS PARA REFORZAR A LECTURA NA CASA

A continuación deixámosvos unha serie de pautas e actividades para que dende as vosas casas sigades traballando a lectura. 

                         

• Ter unha boa postura, primeiro respirar profundamente e relaxarse antes de comezar, coller o aire suficiente, manter un ritmo axeitado, ler a modo e tranquilo, respectar as pausas, cambiar a entoación cada vez que sexa necesario...

• Lectura silenciosa, consiste en realizar unha preparación previa da lectura, que despois realizarase oralmente; pódese facer isto coas lecturas da aula, dos libros de texto...

• Lectura compartida, ler xunto a alguén na casa, un parágrafo cada un, ler primeiro o adulto e despois o neno/a, ler á vez...

• Relectura, ler un texto dúas veces.

• Escoitar lecturas gravadas ou gravalas co neno/a e despois detectamos os posibles erros.

• Cronolectura, consiste en cronometrar un minuto de lectura e despois deterse, contar o número de palabra lidas e volver a ler o mesmo fragmento unha segunda e terceira vez, e ver si se reduciu o tempo.

• Análise fonolóxico de palabras, ler palabras longas, complicadas, pouco coñecidas e separalas en sílabas, en letras, copialas, volver a escribilas...

• Lectura de pseudopalabras, palabras inventadas.

• Xogar a inventarse palabras, crear palabras a partir doutras existentes, completar palabras...e despois lelas en varias ocasións.

• Ler utilizando unha tarxeta ou folla que tape os renglóns seguintes.

• Ler un texto por partes, primeiro unha frase, despois ir aumentando e ler dúas frases, tres... ata acadar a fluidez e exactitude lectora, e así ata completar o texto.