XOGAMOS COS CONTOS!

A continuación presentamos unas serie de actividades que podemos facer unha vez rematemos de ler un conto, historia, relato, etc. 

Quen dixo que ler era aburrido?

• Ler o conto a algún membro da nosa familia.
• Describir de forma oral os diferentes personaxes que aparecen no libro.
• Facer un debuxo da parte que máis nos gustou ou de algún personaxe.
• Cambiar un dos personaxes da historia e imaxinarnos como podería ser agora o conto.
• Como acaba o teu conto? Cambiar o final do conto e inventar outro que a ti che guste.
• Nube de palabras. Vamos crear a nosa propia nube  con todas esas palabras que aparecen no texto e non coñeces. Vamos buscar o seu significado e escribilas empregando distintas cores e pegarémolas na nosa nube de palabras.

                                       

• Crear un poster sobre o libro
• Crear a túa guía de viaxe. Seguro que o teu conto se desenvolve en algún lugar. Investiga sobre ese lugar ou sobre outro que a ti che interese e crea a túa propia guía de viaxe para algún día poder visitalo en persoa.
• Gravámonos contando o conto e logo escoitámonos.
• Debuxa e escribir o teu propio conto.