CÁLCULO MENTAL

O cálculo mental é unha ferramenta matemática que nos serve para "manter en forma a nosa mente". Multitude de actos cotiáns esixen poñer en marcha a mente para realizar rápidos cálculos matemáticos.

Deducir a volta dunha compra, un desconto nun comercio e outras operacións, a miúdo sinxelas pero que a moitos lles resultarían máis cómodas se as realizasen con lapis nun papel, son máis fáciles de resolver se se aprenden e aplican distintas estratexias e técnicas de cálculo mental.

A práctica do cálculo mental contribúe a adquirir a comprensión e sentido do número, proporciona versatilidade e independencia de procedementos e axuda na reflexión para decidir e elixir.

Algún dos beneficios de utilizar o cálculo mental:

• Desenvolve o sentido numérico e as habilidades intelectuais como a atención e a concentración.
• Posibilita melloras no momento de resolver problemas.
• Os alumnos poden visualizar o problema máis facilmente pois teñen idea dos resultados que buscan.
• Permite unha mellor “lectura” dos números.
• Permite traballar con relacións estritamente matemáticas.
• Permite descomposicións de números diferentes ás tradicionalmente ensinadas.
• Favorece a aprendizaxe dos algoritmos coñecidos e saber cando e por que convén empregalos.

Pica en CÁLCULO MENTAL e accede a distintas tiras de cálculo para practicar dende a casa. Recurso do blog Aula PT.