O EXCURSIONISTA PERDIDO.

Este xogo ten como obxectivo traballar a planificación e consiste en axudar ao excursionista perdido a chegar ao campamento seguindo unhas normas. A psicóloga especialista en TEA e Funcións Executivas, Alba Talavera, comparte un xogo para traballar a planificación.

INSTRUCIÓNS:

Estando de excursión, un dos nenos perdeuse no bosque. Para axudarlle a volver ao campamento, hai que construír un camiño, pero temos que seguir certas normas.

Antes de empezar, temos que seguir as instrucións de cada tarxeta:

• Coller o taboleiro correspondente, o de 3×3, o de 4×4 ou o de 5×5.
• Colocar os obstáculos no taboleiro: árbores ou rocas.
• Colocar a entrada ao bosque e a saída ao campamento.
• Coller as pezas que se indican: hai de diferentes tamaños.

Para facer o camiño, usaranse todas de forma que o taboleiro, quede cuberto por completo. Nas tarxetas, ademais das instrucións, tamén aparece a solución de cada reto (só hai unha solución posible).

Para poder descargar o xogo, pica AQUÍ