TÉCNICA DO VOLCÁN

Que é o autocontrol?

É a capacidade de xestionar as nosas emocións da maneira máis axeitada para poder evitar ou minimizar consecuencias negativas dos nosos actos. O autoncontrol non é innato, é unha calidade que se vai adquirindo e é un aspecto moi importante a traballar na infancia, especialmente no caso dos nenos con alta impulsividade.

Existen numerosas técnicas para traballar de maneira lúdica cos nenos/as o autocoñecemento emocional.

Hoxe vamos falarvos da TÉCNICA DO VOLCAN.

Esta técnica consiste en imaxinarnos o proceso de erupción dun volcán. 

Antes de que as nosas emocións se descontrolen, no noso estómago sentiremos calor e sensacións que nos indicarán que estamos a piques de “estalar”, igual que pasa cando erupciona un volcán

A técnica consiste en controlar  as sensacións antes de que “erupcione” o volcán. Debemos explicarlles aos nenos/as que cando existe algo que non nos gusta e  nos empezamos a enfadar, empezamos a experimentar no noso ventre unha lixeira calor, coma se empezásese a quentar a lava dun volcán.

Segundo vai pasando o tempo, se non sabemos como apagar o lume do volcán, a lava ponse a ferver e erupciona, estala e pode queimar todo. 

Trátase de que os rapaces/as aprendan a identificar situacións que lles alteran e tamén as condutas inadecuadas que realizan.

É aconsellable combinar esta técnica coa respiración ou coa conta ata 10 ou 20 para que o neno/a aprenda a xestionar a emoción e non reprimila.